Hybrid Locomotive දෙමුහුන් දුම්රිය එන්ජිම

අද අපි කතා කරනුයේ GE Evolution Hybrid දුම්රිය පිළිබඳවයි.

මෙම දුම්රිය එන්ජිම සතුව V12 වර්ගයේ අශ්ව බල 44000 ක ඩීසල් එන්ජිමක් පවතී.

සාමාන්‍ය ඩීසල් දුම්රියක් තිරිංග යෙදීමේදී වහලය මත සවිකර ඇති රියොස්ටැට් නම් විශාල ප්‍රතිරෝද බැංකුව මඟින් විද්‍යුත් ශක්තිය හානිකර දමයි.

නමුත් මෙම දෙමුහුන් දුම්රිය එන්ජිම තිරිංග යෙදීමේදී අපතේ යන විශාල ශක්තිය විශාල ධාරිතාවයක් ඇති විශේෂ බැටරි බැංකුවක ගබඩා කරයි.

මෙම තිරිංග ශක්තිය උපයෝගී කරගනිමින් දෙමුහුන් දුම්රිය එන්ජින්වල විදුලිය උත්පාදනය කිරීම මඟින් 15% ක් දක්වා ඉන්ධන ඉතිරියක් ලබා ගත හැකි අතර එය වසරකට එක් දුම්රිය එන්ජිමකට ඩීසල් ගැලුම් 25,000 ත් 30,000 ත් අතර ප්‍රමාණයක් හෝ කාබන් ඩයොක්සයිඩ් විමෝචනය 300,000kg ට වැඩි වේ. තවද, NOx විමෝචනය අඩු කිරීම ඊටත් වඩා වැදගත් ය.

මෙම දෙමුහුන් දුම්රියේ බැටරි සඳහා සාමාන්‍ය මෝටර් රථ වල භාවිත ලිතියම් සහ ලෝහ හයිඩ්‍රයිඩ බැටරි භාවිතා නොකරන අතර ධාරිතාව ඉතා ඉහල බැටරි වර්ගයක් භාවිතා වේ.

මෙම බැටරිය සොඩියම් ලෝහ ක්ලෝරයිඩ බැටරියක් වන අතර මෙම බැටරි අධික තාපයට ඔරොත්තුදෙන ආකරයට නිපදවා ඇත.

ටොන් 207 පමණ බරැති දුම්රියක් තිරිංග යෙදීමේදී අවුරුද්දකදී අපතේ යන ශක්තිය, අවුරුද්දකදී නිවාස 160ක් පමණ පරිභෝජනය කරන ශක්තියට සමාන වේ.

එමෙන්ම එක් දුම්රිය එන්ජිමක විමෝචන ධාරිතාව සාමාන්‍ය මෝටර් රථ 2600කට පමණ ආසන්නව සමාන වේ.